لکھنؤ، 18دسمبر(ایس او نیوز آئی این ایس انڈیا)ہندوستانی ٹیم کے ڈریگ فلکر ہرمن پریت سنگھ کو یہاں ہندوستان اور بلجیم کے درمیان جونیئر ہاکی ورلڈ کپ کے فائنل سے پہلے فینس چوائس پلیئر ایوارڈ سے نوازا گیا جبکہ نیوزی لینڈ کی ٹیم کو فیئرپلے ایوارڈ ملا۔عالمی کپ میں حصہ لینے والی 16ٹیموں میں سے نیوزی لینڈ کو کھیل جذبات کی شاندار کارکردگی کے لئے یہ ایوارڈ ملا۔دوسری طرف ہرمن پریت نے لیگ مرحلے میں بہترین کارکردگی کا مظاہرہ کرکے ہندوستان کی جیت میں اہم کردار ادا کیا۔
